Text Size
czwartek, grudnia 13, 2018
Łaziska Dworcowo

 

 

Dworcowo - najważniyjszo droga w Łaziskach. Kiedyś szło niom dojechać na bana, teroz ino do "Biedronki". Zoboczymy, co sie tu zmiyniło.

No to jadymy. Po lewyj familoki (sztyjc te same, ino puc inkszy i drzewa coroz rzodsze). Po prawyj mijomy szkoła, co już jij ni ma,  z naprzeciwka jedzie 29...

 

 

 

 

 

Tam kaj som teroz bloki, kiedyś były familoki. Mijomy drugi - blank rudera, już go łobalajom (piyrszygo tu nie widać, łon przetrwoł chyba najdłużyj - postawili na nim blok z aptykom)

 

 

 

 

 

 

Dalij w parku nastympne. Jeszcze nie takie chacharskie, ale tyż nie doczkały do naszych czasów.

 

 

 

 

Trza przyznać, że teroz momy lepsze chodniki. Szkoda ino, że ze słupów pościongali te lajery, mogliby z nich puszczać jakieś szlagry.

 

 

 

 

 

 

Tyn familok stoł naprzeciw kiosku, w kerym urzyndowała Pani Dudzino

 

 

 

 

 

Tam kaj teraz jest parking tyż stoły stare chałpy. Jest już "Jubilat" i OHP. Zaroz: czamu za "Jubilatym" tak pusto? Niy widać żodnego drzewa z parku...

 

 

 

 

 

No ja, drzewa w parku tyż kiedyś były małe. Przy okazji zoboczcie se stare chałpy po drugij stronie.

 

 

 

 

 

No i dojechali my Dworcowom na dworzec.

Patrza w lewo - widza blank staro bana...

 

 

 

 

Patrza w prawo - widza staro bana...

 

 

 

 

 

 

Patrza w lewo - nowo bana..

A z zadku - glajzy ruściejom...